خلف معادوا معايا
وشوفته صدفه متهني
قاعد مع غيري بيضحك
وناسي إني مستني
كنت بأحسبه طيري
لقيته طاير وبيغني
نزلت دمعتي جوايا
وعرفت انه بعيد عني
يا سلام يا دنيا ياسلام
خليتي الفرح تمني
الحب بقى أوهام
وحبيبي قدامي ظالمني
شافني وهو بيتكلم
ودور عينيه ولا كأني
لا شاور ولا سلم
وبقساوة قلبه طعني
طب ليه يادنيا كده
ليه حبيبي ما صاني
صحيح يادنيا غداره
وغدرك بقى بيألمني
دموع عنيا بتفرحك
وحبيبي بقى هاجرني
أشكي لمين حالي
وأقول الجرح بيقتلني
للقمر ولا لليالي
اللي شاهدين وفاكريني
للورد ولا للفل
ولا للبحر اللي توهني
صدفه لقيته قدامي
ولا كأنه كان شاغلني
نسي حبي وهوايا
وبنار غدره قتلني
معلش يادنيا معلش
حيجيلي يوم أغني