ماعودتنيش تقول بحبك
ولا عودتني تسأل عليا
ليه دلوقت جي تسأل
وليه بتقولي يانور عينيا
إيه اللي جرالك بطلت تتأل
ولا حسيت فجأة بالحنية
عمر ماكان يهمك أزعل
ولا بيهمك نار الأسية
خليني أقولهالك إرحل
لقيت الحب مبعوت هدية
حبي معاه أكيد حيكمل
معاه لا حكون ظالم ولا ضحية
أكيد سنيني حتبقى أجمل
أكيد الفرح حايحس بيا
لا حيهمني إن كنت حتزعل
ولا حيهمني سنين ظلمك ليا
حنسى سنين الظلم أفضل
عشان أعيش أيامي الجاية
حنسى غرورك ياللي بتسأل
وإنك جاي دلوقت خايف عليا
كنت فاكر إني ليك حتوسل
لأ يا روحي ما تخلقش ياعنية
دا القمر من غيرك حيكمل
والشجر حيطرح على إيديا