(ست الكل)
عامله ايه النهارده ؟
انا بخير وزي الفل
عيد الام قرب وانتي عارفه الحاله الماديه
ف ايه رايك في الكاسات مش
حلوين
اه دول بتوع العيد ال فات
طب ايه رايك العيد ده نخليهم داسدتين
انا مش عاوزه هديه
انتوا عندي بالدنيا
طب بصي ياما مفيش حاجه في الدنيا تساوى ضفرك
واليوم ميبقاش يوم غير
بشوفتك
دي الدعوه الي بتدعيها ليا
دي الي بتسهلي طريقي
ولو كان بايدي اجيب العالم كله
لحدك
لو كان ينفع ياما احطك في نن
عنيا هعملها
دا ربنا قال الجنه تحت اقدامها
كبرنا ياما وبقينا شباب
ولسه بتستنينا عند الباب
والخوف يملأ قلبك لو اتاخرنا عليكي شويه
والله حتي في عقابك في حنيه
ابتسامتك وانتي غضبانه مني
بطمن قلبي انك راضيه عني
انتي الوحيده الي بتدي من غير مقابل
والي ياما نصحتيني وقولتيلي كتير هقابل
ناس يحبوني بس محدش هيحبني ادك
والله ياما معاكي حق هو انتي فعلا مين زيك
ياااما دخلت عليكي شوفتك
تعبانه ومرهقه
واى ضغط بيتحط عليكي
بتكوني مقدره
جبل شايل بيت
الي من غيرو هكون فعلا انتهيت
شايله فرح وشايله خوف
مستحمله مهما كانت الظروف
ياااما اخدتي منك عشان تدينا
اوعي تفتكرى عشان بتكبرى
خلاص معتيش هتكوني جميله
دا انتي ملامحك بتحلو كل يوم
وتقوليلنا عندي هموم
انتي الي فيكي الخير والهنا
دانا ربنا اداني حته من السما
بخاف الدنيا من غيرك
ماهو انتي الي اخر اليوم باجي احكيلك
ال فرحني وال زعلني
وال سابني بتقوليلي بالسلامه
شيلتي عني الهم ياما
فطبيعي من غير وجودك هخاف
ماانتي ضهرى من غيرك هتعرى
واتشاف
ربنا يبارك فيكي وفي وجودك
وتفضلي تزعقي وتتعصبي
ولو عاوزه كمان تضربي
هقعدلك تحت رجلك
بس افضل دائما اسمع اسمي من بوئك
دانا كل الصفات الحلوه ال فيا منك
وبقولك انك الكل في الكل
ويارب دايما تفضلي لما اقولك
عامله ايه النهارده
تقوليلي انا بخير وزي الفل
ها راضيه بقي بالكوبيات
ست الكل