تردي الأوضاع السياسية و الاقتصادية والاجتماعية و الثقافية اهم اسباب قيام ثورة 30 يونيو
كتب : ياسر حماد
قال الدكتور علي عبد الوهاب رئيس النقابة العامة للعاملين بالنيابات والمحاكم و نائب رئيس إتحاد نقابات عمال مصر ان ما ادي الي قيام ثورة 30 يونيو ٢٠١٣ تردي الأوضاع السياسية و الاقتصادية والاجتماعية و الثقافية في المجتمع المصري خلال حكم جماعة اخوان الشيطان.
أضاف، شعرنا أن الوطن يسلب، حينما شرعت قطر أثناء حكم مرسي الي شراء قناة السويس بمسمي الصكوك الاسلامية وحين اعترض الازهر ولعوا الدنيا بحوادث التسمم اياها.
تابع أيضا حين طلبت قطر تاجير اثار مصر علشان تسرقها ب 100 مليار دولار لمدة 30 سنة.
وكذلك تصريح العريان الذي قال فيه انه يريد رجوع اليهود الي مصر.
يأتي ذلك كله بجانب سعي مرسي للتنازل عن حلايب وشلاتين للسودان سيناء للفلسطينيين والإرهاب.
و لا ننسي حين قال مرسي وايه يعني لما يموت الوف علشان الباقي يعيش طبعا كان يقصد اي معارض و الاعلان الديكتاتوري اياه واللي حصل عند الاتحادية للمعارضين.
وكذلك الجنود الذين اغتيلوا غدر وهم يفطرون علشان يقيل المجلس العسكري و المشير طنطاوي.
أيضا حين كان البنزين بالطوابير علشان بيتهرب لغزة.. و انقطاع الكهرباء بالايام.
تابع و قتل المصريين عند مبني مكتب الارشاد و لما الدقون طلعت تبجح في الناس وصوتهم علي.
و عزيزي بيريز ونسيوا لما كانوا بيقولوا ابناء القردة والخنازير وعلي القدس رايحين بالملايين.
و لما عذبوا الناس فوق مسجد عمر مكرم وشركة السياحة في التحرير.
و لما كل واحد باع اللي حيلته علشان يشتري سلاح يحمي عيلته واهله وركبنا شبابيك وابواب حديد وعشنا في زنازين تحت مسمي بيوت.
تابع و رمي الشباب للتهلكة في محمد محمود وجري الاخوان علي الانتخابات والمتاجرة بدمهم.
و من قال ان مرسي ام الانبياء والمرسلين بما فيهم الرسول.
والاجتماع السري المذاع علي الهواء فضحنا فيه وادي فرصة لاثيوبيا تمسك علينا غلطة وتتبجح علينا في موضوع سد النهضة.
وحين تم قطع كلمة مرسي في مؤتمر القمة الإفريقية ووقفوه في اخر الصف في الصورة التذكارية وبعتوا واحدة بشنطة خضار تستقبله.
و زيارة رئيس مصر لما راح روسيا واستقبله رئيس وحدة محلية وراح يشتري سلاح للارهاب.
أيضا تمسك امريكا بالاخوان ومرسي طيب ليه ؟!!! علشان عدوهم والا عميلهم ..!!!
وكذلك لما فضحنا في المانيا ودونت ميكس
و لما فتح البلد لتركيا وصادراتها تمر بارضنا مجانا.
وايضا قرض صندوق النقد لما كان حلال وقتها و لما افتتح مصنع مكرونة مقام من 5 سنين و اكذوبة طائر النهضة اللي ليه راس ومؤخرة
وطلع فنكوش ولما جاب الشيعة مصر ونجاد ورفع ساعتها علامة النصر في معقل السنة.
اختتم من أجل كل تلك الأسباب عملنا ثورة في 30 يونيو علشان نستعيد وطن ونحافظ عليه.
حفظ الله مصر وشعبها من كل شر