صلوات ربي عليك يا نبي
من اول الخلق ليوم القيام
صلوات ربي عليك يا تقي
يا خير الخلائق وخير الأنام
رغم أنوفهم وأنف كل شقي
إنت النبي وللانبياء الختام
إنت حبيبي وسيد هلي
وإنت النور يا خير الكرام
بيقذفك كل زنديق يا نقي
ويرسم داؤه فيك كل رسام
فيهم طالب الشهره غبي
وفيهم إللي كارهك يا إمام
عجز يشوه صورتك البغي
لأنك داخل قلوبنا وسام
عارفين إنك كريم و سخي
وإنك نبي وسيد الأقوام
لكن حابين يكيدونا يا نبي
ويجعلوا نهارنا دايم ظلام
لكن يجهلوا إننا بحبك نرتقي
وإننا لولا نبؤتك ذاقوا السام
كان خلينا أيامهم تشتكي
لكنك علمتنا بهدي العلام
لا نهاجم لهم نبي ولا بالنفي
ننكر لهم كتاب كله أوهام
عليك صلوات ربي ونرتجي
لقياك يوم فيه لا نضام
منك يا سيد الخلق نستقي
الذوق و الأدب و الإحترام
عليك صلاة ربي حتى نلتقي
عند من جعلك عالي المقام