أمي يا عزتي وتاج راسي
يا نور دنيتي وزين الليالي
بك ولجلك القلب راسي
بنظرتك لي يدوم إكتحالي
من غلاتك تعلمت إحساسي
وتعلمت فنون العز بكمالي
أشهد إن بميناك زين المراسي
و إن أحضانك للقلب غالي
أحبك يمه وبحبك إنغماسي
آنت أساس دنيتي وكل حالي
ليتني أقدر أفتديك براسي
ولا أشوفك طريحة قبالي
يا شين المرض يهدم حماسي
ياشينة لو صاب لربي مرسالي
رحمني ربي بك ولو كنت عاصي
و لو بيدي أفتديك بكل أوصالي
يا وصية الرحمن من ا لأقاصي
أسأله يشفيك و يزود إحتمالي
طيحتك يمه كسرت لي فاسي
و أدبلت زرعي وشلت أمالي
ربي يرفع عنك داءك القاسي
و يرجعك لي يا زين الغوالي
لا يحرمني شوفتك بهوجاسي
ولا يجعلني أفقدك يا إكتمالي
أسأل العظيم يبعد وسواسي
و يستجيب لي ربي سؤالي
قومي يا فرحة القلب يا ماسي
يا ثرو ة كوني وحالي ومالي