من تحدى ولي عهدنا سم سقيناه
ومن عانده واجه ثلاثين مليون
لولي العهد عهد برقابنا حملناه
ومن وقف بوجه شمسنا مجنون
سعودين حنا العهد أبد مانقضناه
وسيفنا لو كان بغمده تراه مسنون
جاهز للصد عن قائد كلنا فداه
ونارنا حراقة بوجه كل ملعون
الخسيس من خلقنا كلنا عداه
ولا همنا أنذال فعلهم يقولون
حنا رجال الحرب نحارين الطغاة
ننحر عدونا ونحسبه أبد مايكون
هذا محمد ولي عهدنا كلنا معاه
من يبي يجرب ناره بات محزون
تجنب يا صغير بقولك تتحداه
تراه لا غضب يشعل عليك الكون
خادم الأسلام ولي عهدنا مسراه
فوق النجم ساير وإنتم تنبحون
قولكم وفعلكم من قديم عرفناه
ليتكم يا أهل الضلال تتذكرون
هذا شبيه فيصل وسلمان أباه
من هدم قلاع الغدر والحصون
ذاه محمد هدية ربنا من علاه
لشعب جعل مكانه وسط العيون
تخسي يالخسيس بيوم نعصاه
ذا ولي أمرنا ولحكمه مانخون
ربي من فوق عرشه يرعاه
ويحفظه من اللي بكربه مطعون