مالوم من لامني في حبك يوم
وهو ما عرف غلاك وقدرك فيني
مادرى إن بغيابك ما أذوق النوم
وإن وحدك بعز القيظ ترويني
كل غرام كان بالدنيا كوم
وإنت الغرام اللي لوحده يكفيني
ماعاد يهمني من يعتب أو يلوم
دامك معي يامنية القلب تحييني
خذ مني ما تشتهي يا قمر مالوم
دام إنك للفؤاد ضي لنظر عيني
من لامني من حرته تراه محروم
مادرى إشلون غلاك يكويني
لجل الحب حروب ومجازر تقوم
وأرواح تزهق لجل حبك يدفيني
مسكين جاهله ماعنده أبد علوم
إشلون نظرة واحدة منك ترميني
الحب يا زين ما يبيله كثر كلوم
يبيله قلب حي أرعاه و يراعيني
وإنت حبك وغرامك دايم دوم
تاج لراسي وشمس تنور جبيني
أعادي لجلك هلي والقرابة والقوم
لو خيروني بيك ساعة ترضيني
مجنون من كان على الحب يلوم
من تكلم فيك ماعاد يوم يلاقيني
إنت غلاك بالقلب دوم محشوم
شعرة من رأسك ياهناي تساويني